صراحة نيوز – دعا الزميل الإعلامي محمود قطيشات إلى تنظيف الساحة الاعلامية في الاردن من زمرة الإعلاميين المتكسبين على حساب المصالح العليا للوطن .
وأضاف في إدراج له اليوم على صفحة الفيسبوك خاصته يجب محاسبة الجهة التي تقوم بتدليل اي
صحفي او اي اعلامي .
نص الإدراج
.ايش معنى هذا الاعلامي
بالذات
مع انه بكره البلد ع المسبحة
خايفين منه ؟؟؟
وعلى أيش ؟؟؟
ومين كاين هو ؟؟؟
بديّ احكي كلمة للأجهزة
الأمنية
وللناس اللي فوق
اذا كل ( كلب ) نبح
بترموا له عظمة حتى
يسكّر ثمّه
انتو هيك غلطانين
هاي الأشكال
ما بتيجي الا بالخوف
بدل ما تخافوا منه
خوّفوه
ادعسوا على رقبته
الساحة الاعلامية في
الاردن بدها تنظيف
وبدها تقنيب
ويجب محاسبة الجهة
التي تقوم بتدليل اي
صحفي
او اي اعلامي
لتتجنب شروره
انا بحكي عن كلب
قصدي عن اعلامي معيّن بسرح وبمرح
ولو كان إمبراطور الإعلام
ما بتدلّل هذا الدلال
برنامج تلفزيوني
ابواب رزق فتحت له ولأهل بيته في اكثر من مكان
والله لو انه حسنين هيكل
ما تدلّل هالدلال
في الاردن مئات القامات
الاعلامية المهنية
بتفهم اكثر منه ومن اللي
خلّفوه ….
ركنوها على الرف لأنهم
متعففون
يترفعون عن الأساليب الرخيصة
الله اكبر …
حتى في الإعلام الاردني
صارت الفرص تعطى
للمهرجين والمنافقين
قد يظن بعض الأصدقاء
انني اذكّر بنفسي
يا عيب الشوم عليّ ان كنت كذلك
فهناك أساتذة اعلاميون
وصحفيون تتلمذت على ايديهم تم استبعادهم
لتقريب إعلاميين هبطوا على الإعلام بالبرشوت
ليس لديهم كفاءات
سوى ألسنة حادة
واقلام سوداء تُخشى مخالبها ….
وجهات حاقدة تعرف اين تزرعهم
للأسف المؤامرة على البلد
داخلية وليست خارجية
كلما فتحت على التلفزيون
ورأيت هذا الاعلامي كلما ازداد حزني على وطن صار مستباحا حتى للكلاب
مش في الإعلام وبس
بل في كل المفاصل المهمة
