صراحة نيوز – خاص
تكمن قوة أية دولة بوقوف شعبها صفا واحدا متحدا ومتلاصقا خلف قيادتها في كل أمر وشأن عام والاردن ضرب مثلا يُحتذى بالرغم من التحديات التي فرضتها سابقا وما زالت تفرضها عليه تداعيات الأوضاع في الأقليم والمتغيرات الدولية حيث اثبت أبناء الشعب الاردني قدرتهم على التعامل مع جميع المتغيرات والتحديات لكن المشكلة التي تواجهنا تكمن في ضعاف النفوس الذي ينجرفون وراء اقاويل المشككين دون ادنى تفكير ولنا في موقف جلال الملك الهاشمي عبد الله الثاني من القدس وفلسطين ومستقبل الاردن مثالا على ذلك والتي كانت منذ عهد جده الأول وما زالت خط أحمر لا يقبل التأويل والتفسير والشطح والتوهان وملخصها أن :-
- القدس خط أحمر للأردن والأردنيين والملك.. وفعلا عيب بعد دماء الشهداء والتضحيات اللي ما إلها اول ولا اخر لسا في حد بقول انو الاردن ممكن يفرط بالقدس
- لو كل العالم نسي القدس وقضيتها إحنا ما بننسى ولا بنبيع لإنو ع ترابها دم عبدالله الأول وكايد المفلح وألف شهيد أردني.. واحنا ما بنبيع دمنا ولا بننسى ثارنا
- احنا المملكة الأردنية الهاشمية، وكل عنصر من عناصر هالاسم ما بنفصل ولا بتفصل.. والهاشميين منا واحنا منهم ويا حيف على اللي بحكي غير هالحكي
- سيدنا صارله 15 سنة وهو بحكي وبيشتغل باتجاه واحد ومبدأ واحد تجاه القدس.. معقول في ناس هالقد لئيمة ونواياها خبيثة عشان اتحاول اتشكك بـ15 سنة شغل
- اللي بحكي وطن بديل مش عاقل؟ الفلسطيني اللي صارله 70 سنة مزروع بأرضه او بحارب عشان قضيته رح يبدلها بوطن بديل؟ ولا الاردني اللي حارب دفاعا عن بلده وعن فلسطين رح يتخلى عن اي واحد فيهم
- كل واحد بشكك بموقف الاردن وجيشه وشعبه بيشكك بعشرات آلاف من جنود جيشنا العربي وتضحياتهم.. وبشكك بكل بيت أردني لأن ما في بيت ببلدنا ما طلع عسكري
- جلالة سيدنا الغى زيارة لروماانيا عشان القدس، موقفنا دائما ثابت في هاي القضية… ما بدنا شي أوضح من هيك لنوقف مع سيدنا ومع البلد
سيدنا اله 15 سنه بيحكي نفس الموقف بالنسبة للقدس، الي ما تغير بكل هالسنين مارح يتغير هالسنة.. الله يقويك سيدنا وكلنا معك
السلبية والمجتمع
- خلاصة حكي سيدنا: كل واحد فينا مسؤول عن سلامة هذا الوطن وتآخي شعبه ووحدة مجتمعه ومش أردني اللي بيسمح لحد يعمل بين الاردنيين شرخ
- الناس اللي مش شايفه إلا النص الفاضي من الكاسة خنقونا وخنقوا البلد.. بلدنا بلد خير وطلعت ولسا بتطلع طاقات وخيرات واللي مش شايف هالواقع بكون اعمى
اقتباسات من احاديث جلالة سيدنا
- ألغيت زيارتي لرومانيا من أجل القدس وذاهب للمغرب وفرنسا وايطاليا من اجل القدس
- طوال 15 سنة أكدت أن القدس ومستقبل فلسطين خط أحمر بالنسبة للأردن، وهذا موقف المملكة الأردنية الهاشمية وكل الأردنيين
- كلا على المساس بالقدس، كلا على الوطن البديل، كلا على التوطين
- للأسف هناك من يصر على السلبية وزرع الشكوك
- نحن الجيش العربي المصطفوي والتاريخ يشهد لنا في القدس وفلسطين
