صراحة نيوز – قال الزميل محمود قطيشات مراسل اذاعة المملكة الاردنية في السلط في ادراج له على صفحة الفيسبوك خاصته موجه الى وزيرة الطاقة والثروة المعدنية هالة زواتي ” من حقي كمواطن ان أبدي رأيي فيكي ”
وأضاف في معرض انتقاده لأداء الوزيرة ” انا ما بتحدث عن هالةعلى الصعيد الشخصي.. فهي محترمة ..بنت ناس اكابر ..لكن مش عارف ليش صاير عندي حساسية منها.. ومن ال الرفاعي.. ومن عمر الرزاز .
وقال ” لو فعلا عندنا حكومة بتحترم حالها… بتفتح ملف الغاء المنحة الكويتية الاخيرة ..لان هالة الزواتي مش فاضية لهيك امور بتهم المواطن…او انه الاردن ”
تاليا نص الإدراج
هالة
عادل زواتي
والله …..
وتشرّفنا بمعاليكِ
قريبا رح نبارك لك
بالمنصب الجديد
نائب لدولة رئيس الوزراء
مهيّة المناصب بالاردن
للترضية
انا على الصعيد الشخصي
ما بعرفك
واكيد وانت ما بتعرفيني
ولمّا بكتب عنك على
صفحتي
لا اقصد الانتقاصة منك
كمواطنة
لكن من حقي كمواطن
ان أبدي رأيي فيكي
كوزيرة للطاقة والثروة
المعدنية
واقولُ لك ..
وجهك علينا نحس
وبنفسي اعرف مين اللي
داعمك
ومين اللي ساندك
ومن اي نبع بتشربي
مش فاهم هو الملك لما بعرضوا عليه اسماء
الوزراء ما بدقّق بالأسماء
قال شو …..
هالة سياسية
وخبيرة استراتيجية
يا حسرة
البلد انقطعت من اصحاب
الخبرة الاستراتيجية
وبس موجودة عند هالة
زواتي
ضحكتي على الشعب الاردني
لا بل واستغفلتينا لمّا
انقطعت الكهرباء
عن الاردن
يومها ما ظل تبرير
تافه غير حكيتوه
والمضحك انه طائر
عملاق دخل في المولدات
الرئيسة
ويا حرام
احترق الطائر
وحرق معه المولدات
معاليك . ….
بتصدقي بالله
يومها انا بحكي عنك كوزيرة
مش بنت عادل الزواتي
حتى طلاب المدارس
ضحكوا منك
وعليكي
انا بعتقد انك شايفة حالك
اكبر من الشعب الاردني
برضه بحكيلك
معك حق
لانه الشعب الاردني صار
العوبة عندك وعند اللي
عينوك وزيرة
الرزاز
والخصاونة
واللي سبقوهم
وكل اللي وظيفتهم
التلميع
والتزبيط
الله لا يسامحكوا
ما عندنا ناس فهمانين بالبلد
ما في غير هالة زواتي
بتصلح وزيرة للطاقه
انا ما بتحدث عن هالةعلى الصعيد الشخصي
فهي محترمة
بنت ناس اكابر
لكن مش عارف ليش صاير عندي حساسية منها
ومن ال الرفاعي
ومن عمر الرزاز
لو فعلا عندنا حكومة بتحترم حالها
بتفتح ملف الغاء المنحة الكويتية الاخيرة
لان هالة الزواتي مش فاضية لهيك امور بتهم المواطن
او انه الاردن
والوزارة مش بعينها
لو في شعب قد حاله
ولو في مجلس نواب عليه
العين
ولو بشر الخصاونة
ابن هذه العشيرة الاردنية
المرموقة
ماين على حاله
لو عندنا هيئات مكافحة
فساد مستقلة
لو النظام بده فعلا اصلاح
كان هالة زواتي الان موقوفة عن العمل
انا قد اسامح هالة
واحترمها
اذا عقدت مؤتمر صحفي
وأعلنت فيه كل الحقائق
المستورة
وكشفت عن اسم الطير
العملاق اللي قطع التيار
عن كل الاردن ايام
حادثة النائب العجارمة
وعن السبب اللي خلاٌها
تطقّع للحكومة الكويتية
وتضيّع على البلد
١٠ ملايين دينار
هالة زواتي
التاريخ لن يرحمك
احكِ كل اللي مخبّا عندك
قولي عن كل الاسماء
الضاغطة
احك عن شبكات اللصوص
المستفيدين من موضوع
الطاقة
احك عن اسماء الاعيان
وأسماء النواب المسيطرين
على مقدرات البلدمنشان ما تخسري سمعتك
واذا ما بدك تحكي
بتكوني شريكة معهم
ويا ….حسرة على بلد
بتتحكم في مصيره
شلة (……… )
املأ الفراغ بالكلمة المناسبة
ملاحظة
اذا تبين لي ان هالة
مظلومة
سأعتذر لها من هذا المكان
والكرة في ملعبها
على فكرة
متوقع التعليقات على المنشور
تكون متواضعة
ما بلومكم …
ممكن يحاربوكم بأرزاقكم
لعاد فاكرينها فًلّة حُكُك
والجماعة شو شغلهم
انا عتبان جدا جدا جدا
على جهاز المخابرات
وكأنه الاردن مش بلدهم
