الهياجنة .. بدنا احزاب لا دكاكين  

صراحة نيوز – بقلم الكاتب الشعبي محمد الهياجنه

تحركات زيارات وصور ودعوة المرأة للمشاركة….

أمركم عجيب..!!

كل عضو بالحزب يسجل زوجتة ..!!مش بحاجة لنشرة اخبار ..

وهيك بكون العدد متساوي بالحزب !!!.

لكن إذا اعضاء الحزب مش مسجلين نسوانهم وخواتهم وبناتهم وجب عدم الترخيص لهم ويشطب!!!.

الحزبية تبدأ من الاسرة الكريمة.

وبعدين تعمم على الجيران والاهل والأصدقاء ببرنامج شمولي ونظام يحدد مدة وسنوات الأمين العام!!!.

والمكتب التنفيذي والمجلس المركزي والمكتب الدائم .

بكل محافظة ومدينة لقاءات مفتوحة مش بفللا وصالات وعشوات ودعوات تفضل على الميسور !!

شوف تتولي مجموعة كانوا بموقع المسؤولية دعوة الرجال والنساء للحزب ونساءهم خارج منظومة الحزب كيف وليش ليش !!!مش مجاز !!

بدك المرأة تشارك بلش من عندك اولأ.

وسيبك من الأفلام الهندية.

وتقول مشاركة المرأة ضعيفة ليش وين زوجتك وبنتك واختك وامك .

بدنا حزب يمثل البيئة الأردنية مش حزب أشخاص بحاجة لسحيجة بكل اجتماع لتصوير وشوفوا ياناس !!.

وبلاش تدعي نساء لطرود وتسجيلهم بقوائم الكشوفات !!.

شوفوا اليوم كلشي مكشوف ما عاد الكذب يحتجب على الناس .

وزي ما بقولوا حارتنا ومنعرف بعض .

البعض بقولك انا من فوق !!.

طيب والبقية من وين !!.

معقول هيك كلام ومنقول بدنا أحزاب للمرحلة القادمة..

تحية للجيش والأجهزة الأمنية .

حمى الله مملكتنا والهواشم..